ბატონო მამუკა,

საქართველოს შრომის, ჯანმრთელობისა და სოციალური დაცვის სამინისტროში შემოსული სახელმწიფო პროგრამის ,,საპროთეზო-ორთოპედიული საშუალებებით უზრუნველყოფის კომპონენტის” პროვაიდერი დაწესებულებების ხელმძღვანელების 13.10.15 №101087 ერთობლივი წერილი საპროთეზო-ორთოპედიული საშუალებების საჭიროების მქონე პირთა რეაბილიტაციის სფეროში შექმნილი პრობლემატიკის თაობაზე, განიხილა სოციალური დაცვის დეპარტამენტმა.

გთხოვთ, დამატებით წარმოგვიდგინოთ სახელმწიფო პროგრამის ზემოაღნიშნული კომპონენტით გათვალისწინებული, თქვენი ორგანიზაციის მიერ დამზადებული საპროთეზო-ორთოპედიული ნაწარმის (მომსახურების) დეტალური ხარჯთაღრიცხვა (ფასწარმოქმნა) სახეობების მიხედვით.

ასევე დეტალურად მოგვაწოდოთ ინფორმაცია: სილიკონ-ლაინერის მორგების შემთხვევაში რა თანხით გაიზრდება კონკრეტული სახეობების ფასი და ასევე, რა იქნება საგარანტიო მომსახურების ვადა მისი გამოცვლის ჩათვლით, თუ შესაბამისი ნაწარმის მწყობრიდან გამოსვლა არ უკავშირდება ფიზიოლოგიურ ცვლილებას, დაავადებას, ტრავმით გამოწვეულ ცვლილებას ან წინასწარ განზრახულ დაზიანებასა და არადანიშნულებისამებრ გამოყენებას.

პატივისცემით,

სოციალური დაცვის დეპარტამენტის უფროსის მოვალეობის შემსრულებელი

ნინო ოდიშარია